Welkom by Afrifiksie

Lukas 11:9
En Ek sê vir julle: Bid, en vir julle sal gegee word; soek, en julle sal vind; klop, en vir julle sal oopgemaak word.

NUUS

26 September 2016

KOMPETISIE: Die wenners is bepaal… 🙂

Goeie nuus almal.  Ons weet uiteindelik wie die 2016 kompetisie gewen het.  Hier is die aankondiging wat Gerhardus Thompson gemaak het.

1.  Wetenskapfiksie vir die Jeug:
TYD WAG NIE – Handré Jankowitz
2.  Fantasie vir die Jeug:
DIE ZINBALI POORT – Elsabé Welman
3.  Volwasse Wetenskapfiksie:
PASIËNT 452b – Karen van Vuuren
4.  Volwasse Fantasie:
DELIRIUM – Roux Botha
‘n Groot dankie aan al ons deelnemers, maar nog meer vir al julle geduld met ons. Jammer vir die laat uislae, maar onder die nuwe bestuur van ene Mnr. Johan van Wyk vir 2017 glo en vertrou ons sal dit beter bestuur word. Mag julle elkeen voort gaan om opwindende Afrikaanse Wetenskapfiksie en Fantasie verhale te skryf.
Veels geluk aan al die wenners en aan die ander skrywers, kan ons sê julle het dit nie maklik gemaak om ‘n wenners te kies nie – hou so aan.

Baie geluk – aan die wenners, en dankie vir jul harde werk en verbeelding.  Ons kan nie wag om te sien wat julle volgende gaan voortbring nie.  Dankie Gerhardus – niks hiervan sou gebeur het sonder jou nie.  Johan – baie sterkte.  Ek kan nie wag om te hoor wat in die volgende rondte gaan gebeur nie.

18 September 2016

‘n Nuwe tuiste vir Afrifiksie op Facebook

Na sorgvuldige oorweging is daar besluit dat ons gaan stop om verder die Facebook-profielbladsy wat tot onlangs toe op Facebook gebruik was, te hou.  Ons het nou ‘n Afrifiksie Facebook-groep gestig wat voortaan gebruik sal word om nuus aan die lede deur te gee.

2 September 2016

Tydlyn van Afrikaanse WF boeke

Om ‘n bietjie te besef hoe produktief die Afrikaanse WF skrywers en vertalers oor tyd was, is daar ‘n lys daarvoor bygevoeg.  Kyk gerus onder Boeke…

26 Augustus 2016

Resensies

Ons oorweeg tans die moontlikheid om resensies van die WF hier met ander te deel. Indien iemand idees hieroor met ons wil deel sal dit hoog op prys gestel word.  Daar sal ‘n besluit oor geneem word na deeglike oorweging van alle insette.  Dankie by voorbaat.

Tweedehandse boeke

Kyk gerus onder Boeke – ‘n aantal tweedehandse boeke is beskikbaar om aangeskaf te word indien iemand belang sou stel.  Indien daar dalk Afrikaanse WF boeke is wat u nie meer wil hê nie of ‘n dubbel van het, kan u gerus kontak maak dan kan ons sien of ons vir mekaar van hulp kan wees. Lekker lees…

25 Augustus 2016

‘n Nuwe boek en nuwe skrywer in ons midde…

Ek het per ongeluk 😉 afgekom op ‘n nuwe skrywer wat onlangs ‘n nuwe boek uitgebring het in Afrikaanse wetenskapfiksie.  Wat dit besonder opwindend maak is dat dit ‘n vertakking van die wetenskapfiksie is wat nog maar min aandag in Afrikaans gekry het, naamlik Stoompunk.

Die boek Clint Eastwood van Wyk en die Moordenaarsklok is geskryf deur Pieter Verwey en uitgegee deur Tafelberg.  Dit is onder meer beskikbaar deur Exclusive Books as ‘n papier eksemplaar of deur Takealot as ‘n e-boek.

Clint Eastwood van Wyk_300dpi

Ek het met Pieter gepraat en hy wil graag hoor hoe hierdie gemeenskap hierdie boek ervaar – het iemand dit al gekoop of gelees? Laat ons weet asseblief.

Ons sal binnekort ‘n onderhoud met Pieter voer en julle meer van hom vertel  – ons hou julle op hoogte.  –  Machiel Viljoen

24 Augustus 2016

Met dank en ‘n mate van angs…

Ek moet sê dis nogal intimiderend om met die entoesiaste van Afrikaanse wetenskapfiksie te praat, want ek weet dat dit ‘n gemeenskap van wakker individue verteenwoordig wat hoogs ingelig is oor hierdie opwindende veld en wat vol verwagting is oor die toekoms en die moontlikhede wat dit mag inhou.  Hierdie is een van die mees opwindende en lewendige gebiede van vermaak, en bloot te oordeel aan die aantal boeke en flieks wat jaarliks oor “Sci-Fi” uitgereik word, kan ‘n mens verstaan dat dit die verbeelding van die massas aangryp.  In Afrikaans staan ons natuurlik nie terug nie, en meer as 100 titels het al die lig gesien – en ons almal weet dat dit nog maar net die begin is.

Ek sal poog om die gesprek van hierdie passie van my en van jou aan die gang te hou en dat ons lekker oor die nuutste hiervan saam kan gesels. Gerhardus sal natuurlik steeds betrokke wees en kyk dat ek op koers bly. Groot dank en waardering and hom en al die ander wat betrokke was om hierdie werf te stig en te laat blom tot waar dit vandag is.  As dit nie vir pioniere soos Gerhardus was nie, sou hierdie belangrike vertakking van Afrikaans maar ‘n skaduwee wees van wat dit tans is – die Afrikaanse taalgebruikers kan nie genoeg dankie sê vir hierdie onskatbare belegging wat hy vir ons hierin gemaak het en steeds met ywer ondersteun nie. Baie dankie Gerhardus.

Soos reeds genoem, is ek besig met ‘n grootskaalse hersiening van die wetenskapfiksie woordeboek wat deur Thompson Boekdrukkery uitgegee is. Enigeen wat woorde wil bydra, is baie welkom – dit sal hoog op prys gestel word. Ek is ‘n tegnies-opgeleide persoon en sal probeer om juis vanuit daardie perspektief waarde tot die woordeboek, en tot die besprekings op hierdie werf, toe te voeg.  Kom gesels asseblief saam met ons…

 

  • Denzilthompson

    Gerhardus, die gedeelte wat jy vertel het van die Loeloeraai sal ek dit graag wil kry en lees want dit klink nogal baie lekker. Hou aan met die goeie werk my broer.

  • Francisco

    Fantastiese idees –

  • Denzil

    Anike Kirsten, Weereens welkom hier by ons. Hoop jy sal dit geniet hier. Ons almal is nog nuut hier en skrikerig om te gesels maar sodra iemand gaan begin, glo ek die vonke sal spat. Weereens welkom daar van my tuis dorp se wêreld af.

  • Naomi

    Ons is opsoek na enige aantekeninge oor Loeloeraai (milieu, intertekstuele verwysings). Kan iemand ons help?

    • Seun Thompson

      Beste Naomi. Die beste raad wat ek kan gee is kyk of jy 1972 (negentiende druk) in die hande kan kry. Daar is geweldig baie aantekeninge siende dat dit vir ‘n tyd ‘n voorgeskrewe boek was op skool en die aantekening was vir die leerlinge geplaas agter in die boek.
      Hoop jy kom reg.

  • J.V. Van Wyk

    Kan nie wag om die nuwe boeke te sien nie!

  • Salmon Smith

    Dankie aan Johan van wyk vir my AFRIFIKSIE Tshirt wat ek ontvang het. Dit pas my perfek. En ek is nie net ‘n bietjie trots daarop nie.

    • J.V Van Wyk

      Groort plesier ou maat – kom ons maak seker dat hierdie genre vlam vat in Afrikaans

  • Chantal

    Ek wonder wie is ons nuwe WF en F beoordelaards vir volgende jaar se WF en F- kortverhaal kompetisie?

  • Chantal

    Ek het die Afrikaanse Skryfgids gekoop, in 2015. Wat ‘n ongelooflike boek! Maar wil van volgende maand begin om e-boeke te koop en te lees by AfriFiksie. Maar ek het net een probleem. My rekenaar ken nie Epub nie? Te oud of iets. Is daar dalk ‘n manier hoe ek van die boeke in pdf kan aflaai, nadat ek dit gekoop het? Want op my slimfoon het ek onlangs ‘n ‘UB Reader App’ afgelaai. En hy kan e-boeke in pdf formaat lees. Kan AfriFiksie dit doen?

  • Chantal

    Dankie Gerhardus Thompson vir die WF- woordeboek. Dis uitstekend en briljant beplan. Het die boek gisteraand begin deurlees. Groete.

  • Salmon Smith

    Dis vir my ‘n groot skok om te verneem van die ontrekking van my groot vriend Joe Botha. Ek stem volkome daarmee saam dat ons defnitief ‘n groot reus in die letterkunde verloor het. Ek is bevoorreg om hom persoonlik te ken en noem hom met trots, “boeta Joe”. Hy is ook die een wat my van raad voorsien rakende my skrywes.
    Boeta Joe, jy is soos ‘n ‘broer’ wat ek hier in ons ‘familie’ verloor het. Jy gaan beslis hier gemis word.

  • Chantal

    Baie geluk aan Machiel Viljoen! Ek’s opgewonde om te lees dat Afrifiksie gaan voort leef!

    • Machiel Viljoen

      Dankie Chantal, ons sal doen wat nodig is om die wiel aan die rol te hou…

  • Machiel Viljoen

    Baie dankie Chantal, ons sal doen wat ons moet om die wiele aan die rol te hou…

  • Chantal Pretorius

    Die boek klink baie interessant!

  • Elsabé

    Machiel, het jy dalk ‘n idee wanneer die kortverhaal kompetisie uitslae bekend gemaak gaan word. Volgens di einskrywings reëls sou dit al die 31 Aug gewees het.

  • Anna Van der Walt

    Beste Machiel. Ek is bly jy sit die werk van Afrifiksie voort. Ek het ‘n opvolgverhaal op my wetenskapsfiksie boek “Leo” geskryf en dit self gepubliseer, aangesien Thompson Boekdrukkery gesluit het. Ek noem dit, aangesien julle vra na ongelyste boeke. Die boek “Stellamarie” is verkrygbaar in die webwinkel van Groep7Drukkers.

    • Machiel Viljoen

      Dankie Anna, dit klink fantasties – ek is bly jy bring dit onder ons aandag. Kontak my asseblief by machiel.viljoen@afrifiksie.com met meer inligting. Ek sal graag verder met jou hieroor wil gesels….