Geskrewe Afrikaans

In hierdie deel van Afrifiksie word Afrikaanse werke wat skrywers geskep het aan die maatstaf onderwerp. Dit is bedoel as blote inligting en nie om afbreek te doen aan die werk se waarde nie. Die werke word versigtig oorweeg en daar word doelbewus gefokus om objektief aan die drie dimensies van die maatstaf aandag te skenk. Indien jy egter voel dat die gewigte nie korrek toegepas is nie, laat weet ons sodat jou mening ook in ag geneem kan word.

Emma en die geheime gang & Emma en die creepy komplot

Marianna Brandt (2012 & 2015)

Hierdie twee boeke lees maklik en die storie is lekker – die geheime gang is meer boeiend as die creepy komplot. Dit is vir jonger lesers bedoel en die stories is lig en sal ouer lesers verveel. Die Afrikaans is egter swak (uiters swak) en die wetenskapfiksie-element is maar baie effens. Dis jammer, want die storievertelling is kundig en die skryfster het duidelik talent. Slegs vir skoliere aanbeveel.

stoompunk is nie, want stoompunk is per definisie meer fantasie as wetenskapfiksie.

WF Bydrae:5 Stars (5 / 5)
Wetenskap:3 Stars (3 / 5)
Afrikaans:2.5 Stars (2.5 / 5)
Average:3.5 Stars (3.5 / 5)

VirusJaco Jacobs (2009)

Hierdie is ‘n ligte boek wat geskik is vir jonger lesers. Die storie is glad nie nuut nie maar dit word aangebied dat dit kinders nie sal ontstel nie en slaag daarin om ‘n balans te tref tussen avontuur en hoop. Aanbeveel as toeganklike WF vir jonger lesers – miskien veral vir seuns.

  

WF Bydrae:1 Stars (1 / 5)
Wetenskap:3.5 Stars (3.5 / 5)
Afrikaans:3.8 Stars (3.8 / 5)
Average:2.8 Stars (2.8 / 5)

Winter van die NOVAPets Marais (1984)

Dit is ‘n bindende werk wat met ‘n interessante nuwe idee na vore kom. Die Afrikaans is buitengewoon goed. Miskien op die jeug gefokus, maar almal sal die storielyn en ontknoping geniet. Sterk aanbeveel.

WF Bydrae:4.2 Stars (4.2 / 5)
Wetenskap:4.4 Stars (4.4 / 5)
Afrikaans:4.2 Stars (4.2 / 5)
Average:4.3 Stars (4.3 / 5)

Dr. Jekyll en mnr. HydeRobert Louis Stevenson | P v.d.M. Erasmus

WF Bydrae:3.8 Stars (3.8 / 5)
Wetenskap:3.5 Stars (3.5 / 5)
Afrikaans:4.2 Stars (4.2 / 5)
Average:3.8 Stars (3.8 / 5)

Die HemelblomJan Rabie (1971)

Die boek is baie goed geskryf en daar is meer as een nuwe idee wat na vore kom vanuit ‘n WF-perspektief. Die Afrikaans is besonder goed en kan deur lesers van alle ouderdomme geniet word. ‘n Moet vir enige WF-entoesias.

WF Bydrae:4.2 Stars (4.2 / 5)
Wetenskap:4.5 Stars (4.5 / 5)
Afrikaans:4 Stars (4 / 5)
Average:4.2 Stars (4.2 / 5)

Seuns van die wolkeAugust van Oordt (1931)

WF Bydrae:4.5 Stars (4.5 / 5)
Wetenskap:3.5 Stars (3.5 / 5)
Afrikaans:4.5 Stars (4.5 / 5)
Average:4.2 Stars (4.2 / 5)

Aanval op SomaJF de Waal (2013)

‘n Utopiese toekomsbeskouing van die aarde, met ‘n boeiende storielyn. Dit is ‘n goeie bydra tot die WF en die Afrikaans is besonder goed met oorspronklike terme wat geskep is waar nodig. Sterk aanbeveel.

WF Bydrae:4.2 Stars (4.2 / 5)
Wetenskap:3.5 Stars (3.5 / 5)
Afrikaans:4.5 Stars (4.5 / 5)
Average:4.1 Stars (4.1 / 5)

Poppekas – Deborah Steinmar (2012)

Die storie is heerlik en oulik uitgedink. Dit is vol intrige en bind die leser van die begin af – definitief nie vir jonger lesers bedoel nie weens volwasse temas wat daarin voorkom. Die taal is egter swak (regtig swak), beide in terme van Engels wat amper gedwonge ingevoer is selfs waar geykte Afrikaanse woorde bestaan en in alledaagse gebruik is, maar dan ook is die vloekwoorde oormatig. Die wetenskapfiksie-inhoud is nogal verfrissend en voeg iets nuuts by tot die WF in Afrikaans. Die skryfster is duidelik bekwaam en die boek is nogtans ‘n plesier – dit word aanbeveel.

WF Bydrae:4.2 Stars (4.2 / 5)
Wetenskap:3.5 Stars (3.5 / 5)
Afrikaans:1.5 Stars (1.5 / 5)
Average:3.1 Stars (3.1 / 5)